Overblog Suivre ce blog
Editer l'article Administration Créer mon blog

 

Adiu Dialla

 
  Dialla-Konate.MaliEs ambe una tristesa infinida que recebèm la novèla de la mòrt del professor Dialla Konaté. Era un amic sincèr d’Occitània e dels occitans. Aviá acceptat per nòstra revista Lo Lugarn de nos prepausar sas analisis plan pertinentas de la situacion economica mondiala. Solide, aviam de divergéncias amb el sus la question nacionala, mai que en mai en Africa e especialament al Malí, son país, mas ne podiam discutir democraticamant e dins lo respècte l’un de l’autre.
Un grand economista, un grand democrata, un òme liure e dobèrt intelectualament ven de nos daissar brutalament. Partejam aquel dòl ambe tota sa familha e totes sos amics. Coma disètz al país : « baste la tèrra li foguèsse leugièra »
Recebetz las condolenças mai sincèras de sos amics d’Occitània e del Partit de la Nacion Occitana en particular.
14 de setembre de 2012
Partit de la Nacion Occitana
10 carrièra de Romàs
F – 47000 Agen (Occitània)
+33 6 76 47 32 12

Tag(s) : #COMUNICAT( Oc )