Overblog Suivre ce blog
Editer l'article Administration Créer mon blog

COMUNICAT

Vilanuèva d’Òlt (Òlt-e-Garona)

Lo Partit de la Nacion occitana pren acte dels resultats de l’eleccion legislativa parciala de Vilanuèva d’Òlt del 16 de junh passat, marcats per una fòrta abstencion e l’eliminacion del candidat del PS, que menan a un duèl UMP-FN al segond torn lo 23 de junh.

Lo Partit de la Nacion occitana constata qu’al primièr torn, exceptat lo candidat EELV sostengut per lo Partit occitan, los candidats dels autres partits manifestavan cap interés per un poder regional autonòme tanplan coma per la lenga e la cultura occitana.

Al segond torn, per la meteissa rason, es legitim de s’absténer. Çaquelà, un vòte pel candidat UMP pòt empachar l’eleccion del candidat FN, un partit qu’es l’adversari mai ferotge de totes los objectius del Partit de la Nacion occitana : l’autonomia e lo regropament de las regions occitanas a tèrme e a tèrme mai long l’independéncia de la Republica federala occitana dins l’Union européa.

Pasmens, quina que siá la resulta de l’escrutin, i a pas cap d’avenir pròpri pel pòble occitan dins un encastre estatic francés e dins un sistèma electoral calculat a faiçon per manténer, levat accident coma a Vilanuèva, l’egemonia del PS e de l’UMP.

Es a nosautres de o far comprene a nòstres conteirals.

Partit de la Nacion Occitana

17 de junh de 2013

Partit de la Nacion Occitana

Partit de la Nacion Occitana

Tag(s) : #COMUNICAT( Oc )