Overblog Suivre ce blog
Editer l'article Administration Créer mon blog

Lo comitat albigés del Partit de la Nacion Occitan participa a la cadena umana per l’independéncia de Catalonha que se va debanarar a Tolosa

Aquesta se debanarà dissabte que ven, 7 de setembre, a 16h30. Per participar vosaus tanben, vos cal far inscriure en linha.

Tolosa farà una cadena umana solidària amb l’independéncia de Catalonha, dissabte que ven, lo 7 de setembre. L’eveniment aurà luòc a la Plaça del Capitòli a 16h00 e per participar se cal inscriure en linha sus aqueste sit web. Se tracta d’un sit en catalan e anglés; mas los organizaires an comunicat a Jornalet que los vesitaires pòdon escriure de comentaris o pausar de questions en occitan e francés. Los organizaires an previst d’afichas, de papafards e d’autras informacions en occitan. Aquela cadena umana se farà en solidaritat amb la que se debanarà l’11 de setembre, jornada nacionala de Catalonha. Aquela Via Catalana, crosarà lo país catalan del nòrd al sud en favor de l’independéncia del país. La cadena intrarà en Catalonha Nòrd e al País Valencian, mentre qu’en Malhòrca faràn una mapa umana dels Païses Catalans. Mai d’un trentenat de ciutats a l’estrangièr an planificat d’organizar una cadena umana solidària, en parallèl a aquela accion. Las primièras cadenas umanas se debanèron lo 15 d’agost e las darrièras lo quite 11 de setembre. Aquel eveniment s’inspira de la Via Baltica, la cadena umana qu’anava dempuèi la capitala lituaniana, Vílnius, fins a la capitala d’Estònia, Tallinn, en passar per Riga, per exigir l’independéncia dels Païses Baltics lo 23 d’agost de 1989.

Per maitas entresenhas, clicatz sus aqueste ligam:

http://www.jornalet.com/nova/2306/la-cadena-umana-per-lindependencia-de-catalonha-arriba-a-tolosa

Tolosa farà una cadena umana solidària amb l’independéncia de Catalonha

Tolosa farà una cadena umana solidària amb l’independéncia de Catalonha

Tag(s) : #Catalonha