Overblog Suivre ce blog
Editer l'article Administration Créer mon blog

 Comunicat

Un novèl estat en Africa

Un novèl estat va naisser en Africa en seguida d’un referendom democratic quasi unanim aprèp mièg sègle de conflicte armat : la Republica del Sud Sodan. Devesís Sodan, un dels mai grands e mai rics países d’Africa en dos. Es un eveniment en Africa ont l’Organizacion de l’Unitat Africana preconiza un respècte absolut de las frontièras eretadas dela colonizacion, un respècte que fa pas qu’afiscar los conflictes etnics. Lo conflicte entre lo Nòrd e lo Sud del Sodan es generalement presentat coma un conflicte entre le Nòrd arab e lo Sud negre e animista o crestian. Aquel esquematisme correspond pas a la realitat.
La division es puslèu entre lo centre e la periferia. Al centre, Nubia, musulmana d’un biais sovent radical e arabofòna, es poplada de Nubians arabizats majoritàris, d’una minoritat de Nubians autentics e d’arabs, dont l’influéncia es mai granda que lor nombre. Dins lo Sud, animista o crestian e anglofòne, las tres etnias magèrs son  los Lwo, los Bari e los Zandé.

Los Nubians arabizats se prènon per d’arabs e lo poder a Cartom es entre las mans d’arabs plan minoritaris e plan nacionalistas. La novèla Republica del Sud Sodan es donc un estat pluriethnic dont Cartom a anonciat que respectariá la creacion malgrat l’abséncia d’acòrdi pel moment sus la delimitacion de las frontièras, l’estatut de la region d’Abyei rica en petròli, e l’estatut de las populacions de cada futur estat vivent sul territòri de l’autre.

Es una desfacha per l’imperialisme arab e una victòria pels pòbles del Sud Sodan mas tanben del Darfor que ne patiguèron fòrça. Lo Partit de la Nacion Occitana saluda la creacion de la novèla republica e espèra que serà democratica e egalitària  al dintre e pacifica amb sos vesins. Es una bona novèla per Africa. Sos pòbles se devon desfar dels estats fantòches per viure en armonia los uns ambe los autres en crear de federacions o d’estats novèls respectuoses de la diversitat etnica del continent.
7 de julhet  de 2011

Partit de la Nacion Occitana
Joan-Pèire Alari, president per interim
10 carrièra de Romàs
47000 Agen (Occitània)
      +33 6 76 47 32 1

Tag(s) : #COMUNICAT( Oc )