Tolosa-la comunautat josiva en dòl

Lo Partit de la Nacion Occitana,  prigondament entristesit pels vils assassinats comeses aqueste matin a Tolosa en Occitània, vòl d’en primièr assegurar la comunautat josiva de sa simpatia prigonda dins aquelas circonstàncias tragicas. Occitània per son istòria e a causa del caractèr nacional occitan es una tèrra de frairetat e d’acuèlh, quina que siá l’origina etnica o la confession de los que vivon en çò nòstre L’asirança e lo murtre deliberat tocant una comunautat, mai que mai la comunautat josiva que sofriguèt tant dins l’istòria d’Euròpa, nos fan fasti e an pas lor plaça en Occitània tanplan coma endacòm mai. La Republica occitana que volèm bastir un jorn serà frairala, divèrsa e dobèrta e non pas asirosa e replegada sus ela.
19 de mars de 2012
Partit de la Nacion Occitana
10 carrièra de Romàs
F – 47000 Agen (Occitània)
+33 6 76 47 32 12
joan.peire.alari@gmail.com
http://lo.lugarn-pno.over-blog.org
http://www.p-n-o.org