Overblog Suivre ce blog
Editer l'article Administration Créer mon blog

 

Crocatz lo Pais de Serres


Agenés Tèrra Occitana

 Dins l’encastre de la tresena quinzena occitana d’Òlt e Garona organizada damb l’ajuda del Conselh General, l’associacion Agenés Tèrra Occitana prepausava lo dissabte 24 de març de 2012 una randolejada descobèrta a l’entorn del vilatge de Preissàs o Preshàs (las doas apelacions se costejan dins lo parlar local). En Joan Luc Granet e En Joan Pèire Hilaire l’animavan. Un vintenat de personas i participèron.

Jonquilhas, violetas, blat que grelha, rivatèls que cascalhan. Descobriguèrem lo Pais de Serres ric de son istòria occitana e de sa beutat tranquila enjos d’un solelh generos.

La toponimia es estada espepissada per nos assabentar de la riquessa del parlar lengadocian   d’aqueste parçan, tòca tocant amb lo vesin gascon.

Aviam totes l’estomac rosegat pels quilomètres. Una taulejada de las bonas nos esperava al Restaurant Sainte Anne de Preshàs.

Aquesta randolejada bilingua n’i a que la vòlon perenisar sul vilatge per que i a demanda sociala coma se ditz. La convivència e la descobèrta son agradivas de viure. Perque se’n passar ?

 

Joanina Cazes Grande