Comunicat
Libertat per los pòbles del monde arabo-musulman
De Tunis al Caire, de Sanaa a Argièr, de Teeran a Tripòli, los pòbles del monde arabo-musulman se revòltan contra de dictaturas corrompudas perque son assedats de
democracia e d’una vida melhora. En Tunisia e en Egipte, an fach fugir lors tirans. Endacòm mai s’afrontan a la repression de las fòrças armadas mas aquò los descoratja pas. D’aquel tèrratremol
sortirà un òrdre novèl dins l’Orient Mejan. Per lo Partit de la Nacion Occitana que pòt pas far autrament que sosténer lo desir de libertat e de democrcia del pòble occitan, dels pòbles del monde
arabo-musulman e de totas las nacions sens estat, impòrta que aquela ondada siá pas recuperada pels islamistas, que las minoritats etnicas, berbèrs, còptes, curds e autres vejan enfin lors
dreches a l’autonomia d’abòrd e a l’independéncia un jorn reconeguts e qu’una patz equitabla siá establida entre los arabs de Palestina e Israel. L’Orient Mejan vendriá alara una calanca de patz
e de prosperitat.
23 de febrièr de 2011
Partit de la Nacion Occitana
Joan-Pèire Alari, Capiscòl per interim
10 carrièra de Romàs
47000 Agen(Occitània)
+33 6 76 47 32 12
joan.peire.alari@gmail.com
http://lo.lugarn-pno.over-blog.org
http://www.p-n-o.org