Overblog Suivre ce blog
Editer l'article Administration Créer mon blog

Comunicat de Joan-Luc Granet

drapeau de la nation occitaneJoan-Luc Granet, candidat del Partit de la Nacion Occitana a las eleccions cantonalas del 20 de mars de 2011 dins lo canton de Praissàs (Òlt e Garona) et sa relevaira Emilia Granet, mercejan los 85 electrices e electors que lor donèron lor votz aqueste dimenge. En acòrdi amb la direccion del Partit de la Nacion Occitana, apèla pas las electrices e los electors a votar per un dels dos candidats presents al segond torn lo 27 de mars, Alain Merly (UMP) o Sylvie Costa (PS) en particular. Lor demanda de causir la persona per laquala van votar en fonccion de sa presa de pausicion o en abséncia d’una per l’afirmacion concreta de l’identitat occitana (senhalètica bilingüa, visibilitat de l’occitan pertot) e un desvolopament economic basat sus l’ajuda als circuits bracs en agricultura, l’agrotorisme e lo desenclavament del departament pel melhorament de la ret estradièra (RN 21) e ferroviàra (linhas SNCF tradicionalas e LGV Bordèu-Niça via Tolosa, Montpelhièr e Marselha). Farà en sòrta que, se de promessas son fachas dins aquel sens pel candidat elegit o per la candidata elegida, sián seguidas d’actes. Foguèsse pas atal, esitariá pas a lo denonciar o la denonciar publicament per pas aver tengut sas promessas.

Joan-Luc Granet “Labes” 47360 Madalhan

tel. 05 53 87 57 00 o 06 81 86 92 26

Tag(s) : #COMUNICAT( Oc )