Overblog Suivre ce blog
Editer l'article Administration Créer mon blog

Cal que la Calandreta de Sijan visca !

 calandreta sigeanLo municipi de Sijan, que aviá mes de locals a la disposicion de la Calandreta, escòla immersiva occitana, cerca dempuèi mai d'un an a la descaçar d’aquí e a la destrusir, en emplegar quitament de vias de fach  del temps que una mediacion  se debana e que una solucion de relotjament es estudiada.

Una ostilitat tan fòrta de la part d’elegits del pòble occitan contra lor lenga, lor cultura e los que l’englòrian e la fan passar es urosament pauc frequenta. L’encontram malurosament tròp sovent, a un mendre gra, demest d’elegits e de responsables de las administracions de l’Estat e de las collectivitats territorialas que deurián al contrari obrar amassa per servar e desvolopar aquel patrimòni.

Lo Partit de la Nacion Occitana apèla totes los aparaires de nòstra lenga, totes los democratas a manbifestar lor sosten a la calandreta Sijanòta, e a las iniciativas parlamentàrias que prepausan una lei organizant l’accion publica en favor de las lengas e culturas dichas « regionalas ». Ramenta que lo candidat Sarkozy s’èra engatjat per una tala lei farà lèu cinq ans.

11 d’agost de 2011

Partit de la Nacion Occitana

Tag(s) : #COMUNICAT( Oc )