Overblog Suivre ce blog
Editer l'article Administration Créer mon blog

 Desaparicion d’una granda figura del movement occitan


 Ressaire JacquesJaume Ressaire, nascut en 1940, a defuntat dimars passat 8  de junh a l’espital de Montpelhièr.

Librari a Banhòus de Cèsa puèi abelhaire a Sant Miquèu d’Euzet (Gard), prenguèt la presidéncia del Partit de la Nacion occitana a la mòrt de son fondator Francés Fontan en 1979 e la daissèt en 2009 per rasons de santat. N’èra lo president onorari.

Militant per l’independéncia d’Argeria amb Francés Fontan dins las annadas 60, aguèt d’entravadisses amb la justícia de l’epòca. Es un dels paires de la nacion occitana e del nacionalisme occitan que Francés Fontan n’aviá mostrat lo camin.

Son objectiu èra l’independéncia d’Occitània, tròç per tròç, e sa reunificacion dins l’encastre d’una Republica federala occitana englobant lo terç Sud de França (levat lo País Basc e Rosselhon) lo Val d’Aran (ara dins l’Estat espanhòl) e las valadas occitanas de la region Piemont en Itàlia.

Èra nacionalista internacionalista, es a dire etnista. Militava per l’emancipacion de totas las nacions sens estat dins lo monde segon lo principi establit per Francés Fontan: la lenga es l’indici sintetic de la nacion.

Èra tanben ancian ministre del G.P.O  (Govèrn Provisòri Occitan)Las obséquias se faguèron lo dijòus 10 de junh al cementèri de Banhòus de Cèsa.
Partit de la Nacion Occitana
Lo 12 de junh de 2010
Felip Bonnet, capiscòl
F - 31440 Marinhac-  (Occitània)
philippe.bonnet89@wanadoo.fr

 

Tag(s) : #COMUNICAT( Oc )