Overblog Suivre ce blog
Editer l'article Administration Créer mon blog

Comunicat de prensa

Perqué siam a Vilanòva de Magalona uèi ?

logo_pno.jpgDel temps que una decision injusta de justicía ven de contestar la legitimitat de l’accion coratjosa del conse de Vilanòva de Magalona a favor de la lenga e de la cultura occitana sul territòri de sa comuna, lo Partit de la Nacion Occitana (P.N.O.) es vengut participar al passa carrièra d’uèi per aportar son sosten sens resèrvas al conse que a fach apèl.

Dempuèi 2008, la Constitucion francesa reconeis las lengas regionalas, donc l’occitan, coma formant part del patrimòni de França. Es un progrès mas aquò sufís pas. Cal que la lei reverte en practica aquel principi constitucional. Maites deputats de totas tendéncias an elaborat, amb las asociacions, una proposicion de lei sus las lengas regionalas. Cal que contunhen de la menar amassa per que siá adoptada lèu lèu e renda impossible de jutjaments coma lo que contestam uèi.En tot preconizar la democracia lingüistica, e los panèls bilingües de senhalizacion a l’entrada de Vilanòva de Magalona ne son un exemple, anam dins lo sens de l’istòria. Siam segurs que la majoritat dels vilanòveses n’es conscienta e espèra que la Cort d’Apèl anulle la decision presa en primièra instància. Los aparaires de nòstra lenga, de nòstre país e de nòstra economia son aquí uèi.

Per totes, se tracha de saber se la lenga occitana, nòstra lenga, a drech de ciutat dins la Republica francesa.

A l’ora d’ara, Occitània que compren lo terç Sud de l’Estat francés, lo Val d’Aran de l’Estat espanhòl e las valadas alpinas occitanas del Piémont en Itàlia, a pas cap de reconeissença oficiala dins la Republica francesa. Per contra, lo Val d’Aran gausís d’un estatut d’autonomia dins lo sen de la Generalitat de Catalonha enclusa dins l’Estat espanhòl e l’occitan i es lenga co-oficiala amb l’espanhòl e lo catalan.

La lenga occitana serà pas sauvada sens que los occitans sián mèstres en çò sieu.

Lo Partit de la Nacion Occitana pensa que nòstras regions occitanas deurián aver de poders mai importants coma lors vesinas basca e navarrenca en Espanha, que gardan una partida dels impòsts sus plaça, e se regropar per trabalhar amassa e abandonar las rivalitats secularas que fan lo jòc del centralisme de París.De regions occitanas amb de ressorsas financieras sufisentas e que trabalhan amassa non solament poiràn menar de politicas lingüisticas ausardas per socializar l’occitan mas poiràn tanben ajudar las entrepresas que crean d’emplecs sus plaça per que nòstres joves que o vòlon pòscan viure al país. Seriá ja una avançada en esperar que los occitans decidiscan benlèu un jorn d’anar mai luènh.

12/12/2010

Partit de la Nacion Occitana

Felip Bonnet, Capiscol

31440 Marinhac

Tag(s) : #COMUNICAT( Oc )