Overblog Suivre ce blog
Editer l'article Administration Créer mon blog

François Thonier (en Occitan)

Un còp èra l’onze de novembre de 2012, dins la vila occitana de Foish, François Thonier un òme d’un setantenat d’ans suicidèt doas bandièras francesas apuèi la tota fin d’una ceremonia comemorativa de l’armistici marquant la fin finala de la 1èra guerra mondiala.

En mai de cremar un parelh de bandièras blavas blancas e rotjas (proprietat de la vila de Foish), François Thonier diguèt plan naut e plan fòrt « Visca Occitania, a bas l’Estat francés ».

Per aqueste acte, aqueste òme volia bèl primièr protester contra lo fach que 94 ans apuèi la fin del 1èr conflicte mondial, aqueste ceremonia annadièra es pas concebuda coma una jornada a favor de la patz entre los pòbles.

Volia tanben protestar contra lo fach que França de l’epòca avia mandat a la mòrt de monde  dels pòbles que d’aqueste temps compausavan e compausan encara per d’unes son empèri, demest eles los bascos, los bretons, los occitans e plan d’autres.    

François Thonier siaguèt ausit en primièra instància lo 18 de décembre de 2012 e lo jutjament mes en délibérat al 15 de genier de 2013.

Davant lo tribunal de Foish, en mai dels seus amics libertaris de la CNT (confederacion Nacionala del Trabalh), François Thonier èra  sostengut aqueste jorn d’aqui per totas las tendéncias de l’occitanisme politic amb fòrça bandièras occitanas amb l’estèla dels sèt rais.

I avia un representant de Libertat, 2 del Partit Occitan, 3 del PNO e d’autres sens etiqueta que lors conviccions patrioticas occitanas fasian cap de dobte … al total èrem un detzenat.

La pichona delegacion del PNO rescontrèt e discutiguèt longuement amb François Thonier e li remetèt un pichon kit per tal que conesca mai e melhor la pensada del PNO (Ethnisme vers un nationalisme humaniste de François Fontan, Lo Lugarn n°81 la nation occitane ses frontières ses régions et Lo Lugarn n° 92-93 la vie et l’œuvre de François Fontan).

 François Thonier es libertari, per començar es per l’independéncia de l’individu. Sosten los pòbles en luta per lor independéncia mas per las nacions de l’estat francés a paur que lo  nacionalisme siaga recuperat e  instrumentalizat.

Es a nosaus de l’ajudar per far la triada entre los nacionalismes imperialistas e los nacionalismes de liberacion.

Del temps qu’esperavem pacientament davant lo tribunal de Foish una discutida nasquèt entre los occitanistas presents : Cossi far per daissar pas en 2014 lo monopòli del centenari de la debuta del 1èr conflicte mondial entre las mans de las organisacions politicas franchouillardes que mancaràn pas una ocasion d’ocupar l’espaci ?

Gèli GRANDE

Present a Foish 

Tag(s) : #Tribune libre