Overblog Suivre ce blog
Editer l'article Administration Créer mon blog

 En omenatge a En Jean François-Poncet

PoncetLo Partit de la Nacion Occitana saluda la memòria d’En Jean François-Poncet que ven de nos daissar. Doblida pas qu’aquel òme, en seguida d’una letra dobèrta parescuda dins la premsa d’Òut e Garona en 1998, aviá acceptat de metre lo drapèu occitan còsta lo drapèu tricolòr e lo drapèu europèu a l’Ostal Sant Jacme, sèti del Conselh General que n’èra lo president. Aviá tanben prepausat de reservar una pagina a Occitània en occitan dins la revista del Conselh General a l’Asociacion culturala Agenés Tèrra Occitana. Aquelas avançadas contunhan.
 
En decembre de 1999, aviá recebut, en preséncia de sos colaboraires, una delegacion del movement politic occitan de l’epòca, Unitat d’Oc, per discutir sens lenga de fusta, de las proposicions d’aquel  movement per l’avenir del departament.
 
Rapòrt a las relacions internacionalas, nos aviá declarat aver l’Atlas des ethnies que ne li aviam fach present, coma libre de cabeç.
 
Europèu convençut e anti-jacobin, nos aviá demostrat per sa dobertura que un dialòg sens compromission entre d’autonomistas occitans e un representant egrègi de la classa politica e de l’intelligentsia francesa èra possible.
 
Lo Partit de la Nacion Occitana adreça sas condolenças mai sinceras a sa familha.
 
Lo 18 de julhet de 2012
 
Partit de la Nacion Occitana

10, car. de Romàs

F-47000 Agen

Occitània per França"

joan.peire.alari@gmail.com <mailto:joan.peire.alari@gmail.com>
 
http://lo.lugarn-pno.over-blog.org <http://lo.lugarn-pno.over-blog.org/>
 
http://p-n-o.org <http://p-n-o.org/>
 
 

Tag(s) : #COMUNICAT( Oc )