Overblog Suivre ce blog
Editer l'article Administration Créer mon blog

 

La Jenseminada

 

Totjorn dins l’encastre de la tresena quinzena occitana d’Òlt e Garona organizada damb l’ajuda del Conselh General, l’associacion Agenés Tèrra Occitana prepausava lo dimenge 25 de març de 2012, una Jenseminada.

Qu’es aquò ? Es una passejada bilingua de descobèrta d’Agen en occitan puèi en francés, en tot partir dels lòcs que siaguèron importants dins la vida del poèta Jacme Boèr dit Jensemin (1798-1864). 

En Joan Pèire Hilaire l’animava. Un quasi cinquantenat de personas trevèron amb èl las carrièras del cap lòc d’Òlt e Garona.

Comencèrem Plaça de la comuna ont èra l’ancian teatre d’Agen. Jensemin i ausiguèt en 1837 la carga anti gascona del Sylvain Dumon que li valguèt de compausar lo poèma que dedins i escriu « lo puple fidèl a sa mair sarà gascon totjorn e franchimand jamèi ». Quauquas annadas apuèi es encara dins aquel teatre que convidèt lo Frantz Lizst en ….,  anèrem puèi cap al pichon seminari que i estudièt abans que de n’èstre caçat, seguiguèron la botiga que i aprenguèt lo mestièr de perruquièr, lo grand seminari que i recebèt l’omenatge solemne de la vila en …., lo Gravèr passejada tant aimada dels ageneses jà del temps del Jensemin, la botigòla del poèta perruquier, l’estatua del poèta e la carrièra dels carretiers ont nasquèt.

Lo temps èra bravament atindat e la majoritat dels passejants comprenian fòrça plan la lenga nòstra. Per Ela, aimariam que lo cèl siaguèsse mens encrumit … Es per aquò que serem nombroses a Tolosa lo 31 de març de 2012 venènt … l’Òbra del Jensemin o merita.       

 Gèli Grande

Agen-La Jenseminada