Overblog Suivre ce blog
Editer l'article Administration Créer mon blog

VOTAR PER LO PRESIDENT DE LA REPUBLICA FRANCESA, O PAS ?

E SI DE ÒC, PER QUI ? O CONTRA QUI ?

Rampel : lo Partit de la Nacion Occitana publiquet son comunicat lo 2 d'abril : <http://comunicat-pno.over-blog.com/2017/04/presidentielle-2017-occitania-liura.html>. Apela pas a votar per cap dels 11 candidats al primièr torn perque « reconeis pas sas reivindicacions màgers dins lors orientacions. Prepausa a las electritz e als electors de mostrar son malcontentament per un bulletin nul portant per exemple la mencion "Occitània liura" ». Emai prepausa qualques bulletins "Occitània liura" en telecargament :

<http://lo.lugarn-pno.over-blog.org/2017/04/le-parti-de-la-nation-occitane-et-le-premier-tour.html>

Aquesta setmana, d'autres se manifèston - la votacion es per diumenge venent, 24 !

Lo dimars 18/04, lo Partit Occitan pren posicion <http://partitoccitan.org/en-direct/comunicats/presidenciala-la-posicion-del-partit-occitan/>. En resumit, ren sus los tèmas qui son per el « los enjòcs màgers per doman ». Mes lo POc apela pas a votar (ni a votar pas, per o contra tal o tal, blanc o nul), a despart que se ditz « preocupat per la banalizacion de las ideas de l'extrema drecha ».

Lo mesme 18/04, lo laboratòri Iniciativa per Occitània apela a votar per Felip Poton o Joan Lassala <http://iniciativaoc.blogspot.fr/2017/04/ipo-sosten-felip-poton-e-joan-lassala.html>, pramor qu'aquestes son los sols qu'ajan respondut a un questionari de las associacions culturalas occitanas màgers (qu’om pòt legir sus <https://www.2017oc.fr/Reponses-Comparer.php>), en declarar que vòlon sostener la lenga occitana. Tamben, IPO demanda de « luchar contra » los autres candidats e de lor « barrar la rota », en nomenar « Jean-Luc Mélenchon, Benoît Hamon, Emmanuel Macron, François Fillon, Nicolas Dupont-Aignan e Marine Le Pen », pramor que considera lor abséncia de responsa coma « una posicion evidenta de mesprètz contra l’occitan" e que son "jacobins, centralistas e idolatras de la lenga francesa ». Vesi pas per de que pàrlon pas de Nathalie Arthaud o de François Asselineau (que respondèron pas tanpauc) o de Jacques Cheminade (que balhèt una responsa corteta e umanista onte ditz desirar que « chaque enfant de 14 ans apprenne obligatoirement le français, une langue régionale et 2 langues étrangères » - sembla pas tant marrit aquèl òme !). Mes me sembla un pauc leste de condemnar Benoît Hamon e Emmanuel Macron coma aquò, legissetz çai-jos. Pensi mesme qu'es una asenada de condemnar sens conèisser ?

Lo mesme 18/04, l'Institut d'Estudis Occitans (que ditz representar Occitània dins lo ret "ELEN" - European Languages Equality Network -  Réseau Européen pour l'Égalité des Langues) publica un comunicat en seguida a las responsas recebudas de tres candidats (MM. Poton, Hamon e Macron) a una letra qu'ELEN mandet als candidats (manca Mme Le Pen) a prepaus de « los lors onjectius comparat al respiech dels dreches lengüistics e culturals de las diversas compausantas de la Republica francesa ». Se pòt legir sul site de l'IEO <http://www.ieo-oc.org/IMG/pdf/-38.pdf>. En resumit, la responsa de Felip Poton lor sembla la melhora, e nòtan que « Beneset HAMON, coma Amanieu MACRON, s’engatjan a far ratificat per França la Carta europèa de las lengas regionalas o minoritarias », et que Macron precisa que « los mejans d’expression de las identitats regionalas seran acrescudas e que l’aprendissatge de la lenga e de la cultura locala tre l’escòla serà facilitat ». Un pauc tròp per d'òrres jacobins !

Fin finala, uèi, 19/04, l'Assemblada Nacionala Occitana (ANÒc) publica un comunicat <https://www.assemblada.org/> onte comença « abans tot » per deplorar que lo vòte blanc siá pas « pres en compte » (vesi pas per de quue aquò empachariá l’ANÒc de conselhar un vòte blanc o nul), puèi torna copiar mai o mens lo comunicat de la velha d'Expectativa per Occitània, citat mai naut, asenadas compresas, en tot marcar una preferença per Felip Poton.

Mas opinions :

Pel moment, demòri sus un vòte nul (e pedagogic, au mens per los escrutadors) amb una mencion "Occitània Liura". Pensi d'apondre la crotz e l'astrada si ai un pauc de temps.

Segur que Poton, Lassala, Macron e Hamon qué que n'en pense EPO (Expectativa per Occitània) an qualquas qualitats e que vòli pas de Le Pen, Melenchon, Fillon, Dupont-Aignan, podem doblidar los autres. Mes las qualitats dels prumièrs bàstan pas per me decidir a votar per els, an pas ren escrich dins los programas oficials (los que veni de reçauore dins la bostia) sus aquelas questions, que devon pas aver granda importancia per els. E si cal mon vòte per barrar la rota a Le Pen, Melenchon o Fillon, al prumièr torn (diumenge venent), seriá pas en lo balhar al brave Poton o al Lassala que cambiariá qualquaren. Benlèu al Macron (sens estrambòrd) si lo Melenchon contunha de pujar ? M'agradariá mielh d'esperar las resultas del prumièr torn per decidir de çò que farem al second.

Pèire BARRAL 19/04/2017

Votar o pas ?

Votar o pas ?

Tag(s) : #Tribune libre, #Présidentielle 2017, #Tot en Oc