Overblog Suivre ce blog
Editer l'article Administration Créer mon blog

Lo nacionalista Josèp Sans ven de nos quitar

      L'Ariegés Josèp Sans, a totjorn sabut que la question de la liberacion d'Occitània èra una question politica. Atanben, dins lo comtat de Fois, a totjorn militat politicament. Dins lo acamps publics, rebrembava de longa als militants culturals que lo destin de la nacion èra mai que tot dins las urnas. Aviá una vision justa e aguda de la situacion d'opression que nos es facha. Non solament n'aviá consciéncia, mas mancava pas de la denonciar urbi et obi cada còp que per el l'escasença se presentava. Pendent de decennis, de cotria amb lo Dr Jacme Pince, menèt lo combat politic occitanista dins lo comtat pirenenc.

     Coneissiá l'istòria d'Occitània de cap e, impertorbablament, ne denonciava las falsificacions difusidas per l'Estat francés a travèrs son resal d'escòlas. Èra inagotable tocant las milanta rasons que justificavan nòstre combat de liberacion nacionala.

      Fins a nòunanta ans foguèt galhard e valent. Son estrambòrd èra comunicatiu. Cada an, al mes de març a Montsegur, nimai per una condemnacion al lenhièr, auriá pas mancat l'acamp d'omenatge rendut als Catars e als Resistants de 1244. L'injustícia e l'intolerància li èran insuportablas e tant que poguèt, las combatèt.

      Josèp Sans foguèt un nacionalista que fasiá gaug frequentar. Se moriguèt en aqueste mes de febrièr de 2016 dins sa 96ena annada. Lo Partit de la Nacion Occitana saluda la memòria d'un generós combatant per la libertat nacionala.

 

Le nationaliste Josèp Sans vient de nous quitter

       L'Ariègeois Josèp Sans, a toujours su que la libération de l'Occitanie était une question politique. Aussi, en Ariège, a-t-il énergiquement milité pour son autodétermination. Dans les rassemblements publics il n'a jamais manqué une occasion de rappeler aux militants culturels que le destin de la nation était dans les urnes. Il avait une vision juste et aiguë de la situation d'oppression qui nous est faite. Non seulement il en avait conscience, mais il ne manquait jamais une occasion de la dénoncer. Pendent des décennies, aux côtés du Dr Jacme Pince, il anima le combat politique occitaniste en Ariège.

      Il connaissait par cœur l'histoire de l'Occitanie et, imperturbablement, il en dénonçait les falsifications propagées par l'école jacobine. Il était inépuisable pour ce qui est des mille raisons qui justifient notre combat de libération nationale.

       Jusqu'à ses quatre-vingt-dix ans il resta solide et vaillant. Son enthousiasme était communicatif. Chaque année, au mois de mars à Montségur, ni pour toutes les menaces du monde, il n'aurait pas manqué l'hommage rendu aux Cathares e aux Résistants de 1244. L'injustice et l'intolérance lui étaient insupportables et tant qu'il le put, il les combattit.

         Josèp Sans était un nationaliste qui méritait d'être écouté. Il mourut ce mois de février 2016 dans sa 96ème année. Le Partit de la Nacion Occitana salue la mémoire d'un généreux combattant pour la liberté nationale.

Lo nacionalista Josèp Sans ven de nos quitar.

Lo nacionalista Josèp Sans ven de nos quitar.

Tag(s) : #occitanie