Overblog Suivre ce blog
Editer l'article Administration Créer mon blog

Le choix du P.N.O. pour la nouvelle appellation du Languedoc-Roussillon-Midi-Pyrénées

COMUNICAT

4 d'octòbre de 2015

                    Cossí nomenar la region centrala d'Occitània ?

   Lo Partit de la Nacion Occitana rementa son oposicion al novèl descopatge de las regions :

- prepausa regions occitanas apesadas sus realitats umanas e en particular suls airals dels parlars d'Òc,

- balha la prioritat a una devolucion a las regions dels poders de l'Estat, fins al poder legislatiu, dins lors domenis de competéncia, e dels mejans correspondents, e a la bastison d'una inter-regionalitat occitana.

   En particular, lo Partit de la Nacion Occitana sosten las reivindicacions de creacion de regions autonomas d'Euskadi Nòrd e de Catalonha Nòrd, desseparadas de las novelas « grandas regions » previstas.

   Lo Partit de la Nacion Occitana rementa tanben sa causida de la denominacion « Occitània Centrala » per la novela region « Lengadòc-Rosselhon-Miègjorn-Pirenèus » : cal lo mòt « Occitània » per identificar clarament son occitanitat, mas pas solet, per respectar l'occitanitat de las regions vesinas.  Autras causidas amb lo mòt « Occitània » pòdon anar dins lo metèis sens, mes d'un biais mai o mens insatisfasent - encara que « Occitània-Catalonha » auriá l'avantatge de reconèisser las doas nacions.

   Al mes de setembre los cinc quotidians regionals del grop de « La Despacha » s'acampèron per prepausar a sos lectors un sondatge tocant al nom de la futura region recampant las ancianas « Miègjorn-Pirenèus » e « Lengadòc-Rosselhon ». Aqueste sondatge prepausava pas la denominacion « Occitània Centrala », nimai « Catalonha » o « Catalonha Nòrd », çò mens marrit pels Occitans era de votar « Occitània », e pels catalans « Occitània – País Catalan ».

   En desseparar las chifras dels presumits catalans e los dels presumits occitans, vesem que lo sondatge, que recampèt gaireben 100 000 responsas dins la part occitana de la region, nos pòt entresenhar de çò que pensan las Occitanas e los Occitans d'aquesta futura region : la proposicion « Occitània » arriba clarament en tèsta amb 32% dels sufragis presumits occitans (las denominacions mai votadas aprèp ela recampan entre 8 e 10% d'avís favorables).

   Las Occitanas e los Occitans sabon ara que vivon en Occitània. Mas ça que la, aquò's pas qu'un sondatge. Los conselhièrs regionals devon prepausar au govèrn francés lo nom de la region abans lo mes de julhet de 2016, e lo govèrn decidará abans octòbre de 2016 aprèp consultacion del Conselh d'Estat. Aquò significa que tendrán benlèu pas compte de la volontat populara exprimida per aquesta consultacion oficiosa. Aqueste Conselh d'Estat, institucion magèr de l'imperialisme francés, a ja anonciat que refusariá los noms a connotacion identitària : nos cal demorar vigilants e actius per impausar una apellacion qu'identifique « Occitània », emai, tant coma se pòt, « Occitània Centrala ».

   Amb aqueste sondatge la demonstracion es facha que de mercés al trabalh perseverant de las organisacions occitanistas culturalas e politicas, lo pòble occitan pren cada jorn un pauc mai consciéncia de son identitat nacionala. Lo Partit de la Nacion Occitana contunha d'obrar dins aquel sens.

 

COMMUNIQUÉ

4 octobre 2015

                Comment nommer la région centrale de l'Occitanie ?

 

   Le Parti de la Nation Occitane rappelle son opposition au nouveau découpage des régions :

- il propose des régions occitanes fondées sur des réalités humaines et notamment sur les territoires des parlers d'Oc,

- il donne la priorité à une dévolution aux régions des pouvoirs de État, jusqu'au pouvoir législatif, dans leurs domaines de compétence, et des moyens correspondants, et à la construction d'une inter-régionalité occitane.

   Notamment, le Parti de la Nation Occitane soutient les revendications de création de régions autonomes d'Euskadi Nord e de Catalogne Nord, séparées des nouvelles « grandes régions » prévues.

   Le Parti de la Nation Occitane rappelle aussi son choix de la dénomination « Occitanie Centrale » pour la nouvelle région « Languedoc-Roussillon-Midi-Pyrénées » : le mot « Occitanie » est nécessaire pour identifier clairement son occitanité, mais il ne doit pas être seul, afin de respecter l'occitanité des régions voisines. D'autres choix avec le mot « Occitanie » peuvent aller dans le même sens, mais d'une façon plus ou moins insatisfaisante - encore que « Occitanie-Catalogne » aurait l'avantage de reconnaître les deux nations.

   Au mois de septembre les cinq quotidiens régionaux du groupe de « La Dépêche » se sont unis pour proposer à leurs lecteurs un sondage portant sur le nom de la future région regroupant les anciennes « Midi-Pyrénées » et « Languedoc-Roussillon ». Ce sondage ne proposait pas la dénomination « Occitanie Centrale », ni celles de « Catalogne » ou « Catalogne Nord », un pis-aller pour les Occitans était de voter « Occitanie», et pour les catalans « Occitanie – Pays Catalan ». En séparant les chiffres des présumés catalans et ceux des présumés occitans, nous voyons que le sondage, qui a recueilli un peu moins de 100 000 réponses dans la partir occitane de la région, peut nous renseigner sur ce que pensent les Occitanes et les Occitans de cette future région : la proposition « Occitanie » arrive clairement en tête avec 32% des suffrages présumés occitans (les dénominations les plus choisies ensuite rassemblent entre 8 et 10% d'avís favorables).

   Les Occitanes et les Occitans savent maintenant qu'ils vivent en Occitanie. Cependant, ce n'est qu'un sondage. Les conseillers régionaux doivent proposer au gouvernement français le nom de la région avant le mois de juillet 2016, et le gouvernement décidera avant octobre 2016 après consultation du Conseil d'État. Ce qui veut dire qu'ils ne tiendront peut-être pas compte de la volonté populaire exprimée par cette consultation officieuse. Ce Conseil d'État, institution majeure de l'impérialisme français, a déjà annoncé qu'il refuserait les noms à connotation identitaire : il nous faut rester vigilants et actifs pour imposer une appellation qui identifie l'« Occitanie », et, autant que possible, l'« Occitanie Centrale ».

   Avec ce sondage la démonstration est faite que grâce au travail persévérant des organisations occitanistes culturelles et politiques, le peuple occitan prend chaque jour un peu plus conscience de son identité nationale. Le Parti de la Nation Occitane continue d'œuvrer dans ce sens.

Partit de la Nacion Occitana

10, carrièra de Romàs

47000 Agen

 <p-n-o@laposte.net>

Tag(s) : #COMMUNIQUÉ (Fra ), #COMUNICAT( Oc )