Overblog Suivre ce blog
Editer l'article Administration Créer mon blog

Gèrs, eleccions departamentalas 2015 canton Vath de-Sava

Entau Savés !

Qu'èm Occitans per'mor que Gascons, e que volèm víver e decidir au país.

  Nos presentam alavetz dins Gèrs, dins le Savés (canton dit Vath de-Sava, de Lombèrs-Samatan) a-n'aquestas eleccions departamentalas venentas deu 22 e 29 de març, per'mor que quitament se volèm encara mès de competéncias entà d'aquesta collectivitat territoriala, qu'ei desjà ua escadença entaus Occitans qu'èm de s'assumir un petit pauc, e d'aver un pauc presa sus décisions que nos concèrnan dirèctament : cau que les Occitans se mobilisen dins le Savés, le Gèrs e la quita Gasconha entà tornar prénguer le poder locau que Paris nos a panat bèth temps .

  E aquò comença per ua causa simplòta : se presentar a d'eleccions qu'an un enjòc locau, per'mor qu'aquò, que son (o que diurian èster !) las ahèrs deus estajans vertadèrs, deus Occitans, deus Gascons, de nosauts fin finala. Pro de paternalisme mespresant ! de vergonha, n'avèm pro, qu'èm pas mès colhons qu'un tècnocrata ça'm par ! lo pòple d'Òc de Gasconha se diu desvelhar, e portar dins las urnas patriòtas vertadèrs, e non pas aquestes encravatats que nos balharàn d'estatisticas televisualas les 22 e 29 de ser entà saber quin partit parisenc, le de Guinhòl, de San-Pançard o de Nhafron, ganharà le mès de departaments engüan. Mès macarèu ! aquò qu'ei pas la question ! la question qu'ei de saber coma serà gerit le departament dins las annadas a venir ! que cau èster completament innocent entà trobar d'interés a-n'aquesta carnavalada quand òm sap les enjòcs vertadèrs ! les enjòcs que son locaus, pragmaticas, de terren. Aquò qu'ei. E aquestes arganhòls que van hèr au jòc de "qui a ganhat le mès de departaments" ? mès volètz ríser !

  Ac avètz comprés, avèm pas arren a véder dambe aquesta còla d'amòris que hèn de la politica lor mestièr. Qu'èm simplaments d'ací, Gascons, "de Gèrs" per'mor que Paris nos impausèc dincas au nom deu país supausat nòste, e que volèm simplament poder decidir nosauts medishes de çò conveng de hèr... ací ! a noste ! atau, nosauts, Occitans deu Savés, que volèm demorar Liures e Indépendents entà Gasconha. Qu'ei la nòsta tòca.

  Alavetz, le 22 e 29 de març, se volètz per un còp portar monde d'ací, e sustot monde que's vòn implicar entau país, sabètz que n'i a dins le Savés ! ara, qu'i èm.

Jeròni Picas, Partit de la Nacion Occitana (PNO)

-------------------------------------------------------------

Gèrs, eleccions departamentalas deu 22 e 29 de març de 2015. canton Vath-de-Sava (Lombèrs-Samatan)

Per en saupre un pauc maï :

Entau Savés   Liures e Independents entà Gasconha

na Domenja Darrozes (Shens Etiqueta), en Jeròni Picas (Partit de la Nacion Occitana)

Gers, départementales 2015, canton Val de Save. Photo L Manfre

Gers, départementales 2015, canton Val de Save. Photo L Manfre

Tag(s) : #Tot en Oc, #départementales2015, #Tribune libre