Overblog Suivre ce blog
Editer l'article Administration Créer mon blog

Lo Partit de la Nacion Occitana per un referendum

Lo Partit de la Nacion Occitana pren acte de l'anóncia facha a Rennas per lo primièr ministre francés Jean Marc Ayrault lo divendres 13 de decembre de 2013 d‘una novèla estapa de la descentralizacion e de la mesa a l’òrdre del jorn de l’Amassada nacionala de la ratificacion de la Carta Europèa de las Lengas Regionalas e Minoritàrias.

Es clarament un ensag del govèrn de desconflar la revòlta de las Bonetas Rojas bretons. Lor eslogan : « Viure e Trabalhar en Bretanha » val tanben per Occitània, Catalonha Nòrd, lo País basc, Corsèga e l’Alsàcia.

Lo P.N.O espèra que le projècte de descentralizacion presentat a la prima de 2014 se concretizarà per l’autreg de vertadièras competéncias legislativas e fiscalas a las regions.

Lo P.N.O soeta tanben que lo govèrn francés prenga enfin sas responsabilitats e ratifique per una lei constitucionala la Carta européa de las lengas regionalas e minoritàrias (promessa n° 56 del candidat François Hollande).

Lo P.N.O es favorable a l’organizacion d’un referendum que sol permetrà l’aprobacion d’una tala lei.

Partit de la Nacion Occitana

15 de decembre de 2013

Lo P.N.O es favorable a l’organizacion d’un referendum

Lo P.N.O es favorable a l’organizacion d’un referendum

Tag(s) : #COMUNICAT( Oc )