Overblog Suivre ce blog
Editer l'article Administration Créer mon blog

Comunicat de premsa

Quinas solucions per Bretanha ?

Lo rambalh social en Bretanha va plan al delà del problèma de l’ « Ecotaxe ». L’utilizacion massissa de simbòls identitaris coma las bonetas rojas e los drapèus bretons, mai que mai a Kemper, mòstra lo sadol d’una nacion quichorlada pel centralisme de l’Estat francés mentre que ensaja de s’inserir dins la mondializacion e la ràbia dels bretons que avián cresegut dins l’Acte III de la descentralizacion, avián en massa votat per Hollande e se tròban engarçats.

Es significatiu que las classas nacionalas bretonas sián de cotria dins aquela revòlta, en particular lo pichon patronat e los obrièrs menaçats de licenciament mas tanben los pescaires e los agricultors e que l’eslogan mai martelat siá en breton, Re ‘Zo Re (n’i a pron)

Lo Partit de la Nacion Occitana pensa que viure decentament e trabalhar en Bretanha es pas possible dins l’encastre de l’Estat francés de l’ora d’ara. Bretanha a besonh de daissar anar e de venir pel mendre autonòma coma sos cosins galleses abans de cercar l’independéncia coma los escoceses, los flamencs e los catalans.

Çò qu’es desirable per Bretanha o es tanben, segon lo Partit de la Nacion Occitana, per las autras nacions de l’Estat francés, subretot nòstra Occitània.

6 de novembre de 2013

Partit de la Nacion Occitana

Le PNO à Barcelone

Le PNO à Barcelone

Tag(s) : #COMUNICAT( Oc )