Overblog Suivre ce blog
Editer l'article Administration Créer mon blog

Comunicat

Reforma de la fiscalitat

Aquesta setmana marca la debuta de las concertacions multiplas del Primièr Ministre sul projècte de reforma del sistèma fiscal francés. La fiscalitat es pas qu’una compausanta de la vida socio-economica, sens dobte la sus laquala lo poder politic a la capacitat mai granda d’agir.

Precisament, lo Partit de la Nacion Occitana es preocupat pel finançament de las colectivitats territorialas. Lors responsabilitats novèlas dont l'Estat francés se descarga, son pas acompanhadas de compensacions financièras sufisentas. La creacion d’emplecs novèls per las regions, necessaris per que pòscan assumir aquelas responsabilitats, es pas compensada per una reduccion equivalenta dels emplecs de l’Estat central. Los doblons e los subrecòsts que ne resultan son imputables a l'Estat central. Es el que deu far d’economias en transferissent los mejans umans e financièrs amb las responsabilitats.

L'Estat francés, fòrça endeutat, poiriá far d’economias per exemple en suprimissent los departaments e benlèu en encoratjant de fusions de comunas, en nombre excessiu rapòrt a nòstres vesins europèus. Deuriá renonciar a finançar una politica costosa de "potència granda ", especialament dins lo domeni militar.

Lo Partit de la Nacion Occitana prepausa, per una gestion mai pròcha del terren, la collècta dels impòsts per las regions e lo revèrsament d'una partida negociada a l'Estat central. Aquel deu evoluïr cap a una estructura federala, desbocant a tèrme sus l'autonomia intèrna de las nacions inclusas, mai que mai d’Occitània, puèi sus lor independéncia al dintre de l'Union europèa.

Partit de la Nacion Occitana

26 de novembre de 2013

Partit de la Nacion Occitana

Partit de la Nacion Occitana

Tag(s) : #COMUNICAT( Oc )