Overblog Suivre ce blog
Editer l'article Administration Créer mon blog

Uèi, 22 de Novembre fa sèt ans que se n'anava per un mond melhor, un grand Occitan : CANTALAUSA. Una pensada per lo poèta, l'escrivan, lo lexicograf (son Diccionari irremplaçable) e per ieu, per lo nacionalista. Remembratz vos dels seunes escriches dins "Lenga Viva" :

"M'es de fèr de véser morir una lenga mariala ; viure dins l'opròbi de la lenga nòstra n'avèm pro, foguèt emasculada per l'escòla francesa e l'ajuda a las lengas minoritàrias es pas qu'una mascarada. Per servar nòstra lenga, nos cal batre de pè e d'ongla "

"Nòstra identitat residís dins nòstra lenga mairala e tot ço Occitan es nòstre patrimònio e tot patrmònio es sacrat "

"Soi panoccitanista que tot çò Occitan m'aperten de drech "

"Un vertadièr esperit laïces un adepte sincèr de tota libertat e la tolerància es la condicion formala de l'unitat Occitana "

"Per nos francisar, l'escòla francesa nos a desoccitanizats "

"Un pòble oprimeire espotis sos minoritats. Lo cabestre francés m'a totjorn pesat e me peso de mai en mai. La preeminéncia de l'Estat francés nos escana a totes. Lo poder central de Paris a pas quitat de nos afrabar, la politica francimanda es totjorn estada jacobinista."

"Sèm un pòble renegat per un autre pòble, m'estimi plan mai, èsser un Occitan que non pas un francés "

"E PERQUE LO SEPARATISME SERIA PUS COLPABLE QUE L'ANNEXION ?"

"Tota descolonizacion es totjorn una brava liberacion"

Vaquí son poèma "Maria Occitana"que se pot cantar sus l'aire del "Se Canta":

Paura filha ennegresida, dins lo dòl e la dolor

Lo dòl es pas una vida,Te cal cambiar de color

La marrida Maria França s'ataquèt a ta grandor

Mas lo fèr de la seu lança, se brequèt sul teu onor

Te panèt la teu verquiéira, conquistèt ton terrador

Profeitèt de ta flaquièira, atudèt la teu aedor

Sa vergonhabla crosada espandiguèt sang e fuòc

Dins sa Cocanha escanada engarrelèt l'òme d'òc

Mas dins l'Euròpa novèla clantirà lo teu reclam

E ta lenga encantarèla tornarà prene de vam

Brava Maria Occitana, t'amaguèron la vertat

Lo teu paÏs de Cocanha a drech a la LIBERTAT.

Per lo repit, ièu canti : Se canta, que cante

Lo païs dels Trobadors

En lenga nòstra, lo paratge

La Libertat e mai l'amor

Bona serada a totes.Senher CANTALAUSA vos oblidarem pas jamai, avetz mostrat lo camin.

Lo Carles de la Diaspora

Lo Carles de la Diaspora à gauche, Estivada de Rodez 2013

Lo Carles de la Diaspora à gauche, Estivada de Rodez 2013

Tag(s) : #Tot en Oc